Inntökubeiðni fyrir fulla aðild og Ljúflingsaðild

Hér fyrir neðan er umsóknarform fyrir fulla aðild að Golfklúbbnum Oddi og sama form er velkomið að nýta fyrir umsókn um Ljúflingsaðild.

Ef um umsókn að Ljúflingsaðild er að ræða þá skal tilgreina það í reitnum (annað) í umsókninni og merkja “Ljúflingur” eða “Ljúflingsaðild”

(Allar inntökubeiðnir um fulla aðild eru afgreiddar sjálfkrafa á biðlista, athugið að sjálfvirkt svar berst ekki við innsendri umsókn og við svörum innsendum beiðnum eins fljótt og hægt er)

Full félagsaðild  – ótakmarkaður aðgangur að golfvölum GO (Urriðavelli og Ljúflingi)
Ljúflingsaðild – ótakmarkaður aðgangur að Ljúflingi en takmarkaður aðgangur að Urriðavelli, (skráningarheimild á rástíma á Urriðavelli gegn greiðslu vallargjalds)

Báðar aðildirnar fela í sér aðild að GO en munur er á leikheimildum á vallarsvæðum GO eins og að ofan lýsir. Báðar aðildar veita heimild til þátttöku í öllum innanfélagsmótum ásamt skráningu inn félagakerfi og aðgang að skráningarkerfi golfhreyfingarinnar (golfbox.golf).  

Biðtími í fulla aðild hefur lengst gífurlega á síðustu árum og í dag má áætla að biðtími sé 3-4 ár. Rúmlega 900 manns eru á biðlista í október 2024.
Hægt er að fá frekari upplýsingar um félagsaðildir eða stöðu á biðlista á skrifstofu GO, í síma 585-0050 eða á netfangið skrifstofa@oddur.is

Ég hef kynnt mér lög Golfklúbbsins Odds og samþykki að gangast undir þau ef stjórn klúbbsins samþykkir inntökubeiðni mína. Einnig samþykki ég að kynna mér almennar golfreglur og golfsiði og hegða mér á golfvöllum í samræmi við slíkar reglur og siði.

Verði inntökubeiðni mín samþykkt skuldbind ég mig til að greiða félagsgjöld eins og þau eru á hverju ári samkvæmt skilmálum og kjörum sem Golfklúbburinn Oddur setur.

Athygli skal vakin á að samkvæmt 6. gr. laga Golfklúbbsins Odds ber mér að greiða félagsgjald næsta árs, hafi ég ekki tilkynnt skriflega úrsögn mína úr klúbbnum fyrir lok desember.