Skoðanakönnun GO haust 2020

Sumarið 2020 verður lengi í minnum haft þar sem við þurftum að bregðast við gjörbreyttu landslagi á ýmsan hátt með skömmum fyrirvara og í nýju kerfislegu umhverfi þar sem golfbox.golf var tekið í notun og Covid-19 herjaði á landið.

Til að taka saman nokkur atriði eftir sumarið var ákveðið að henda í smá könnun sem send var út í tölvupósti á félagsmenn. Könnunin er byggð á svipaðri könnun og send var út 2017 og við viljum endilega að okkar félagsmenn taki þátt til að aðstoða okkur við að gera gott betra. Könnunin var send út í pósti 15. september og þegar þessi frétt er sett inn þann 16. september er þátttaka alveg frábær en um 500 manns hafa svarað á tæpum sólarhring. Þið eruð alveg frábær.