Innheimta félagsgjalda 2021
17/12/2020
GREIÐSLA FÉLAGSGJALDA GO 2021 FER Í GEGNUM GREIÐSLUKERFIÐ NÓRA Á SÍÐUNNI oddur.felog.is
Eins og í fyrra, þá nýtum við okkur greiðslukerfi Nóra þegar gengið er frá félagsgjöldum í Golfklúbbinn Odd.
Allir sem vilja skipta greiðslum í allt að 5 greiðsluseðla eða á greiðslukort þurfa að ganga frá skráningu á greiðslum í gegnum kerfið fyrir 24. desember og kemur þá fyrsta greiðsla í janúar 2021.
Frá og með janúar fækkar möguleikum á greiðsludreifingu í samræmi við mánuði fram að opnun. Athugið að þeir félagsmenn sem ekki aðhafast neitt í þessari lotu munu fá senda greiðsluseðla 15. janúar 2021 í heimabanka sem verða með tveimur gjalddögum 1. febrúar og 1. mars.
Félagsmenn geta skráð sig inn með rafrænum skilríkum á slóðinni oddur.felog.is og gengið frá greiðslu félagsgjalda fyrir árið 2021. Bæði er hægt að greiða með greiðslukorti eða fá kröfur í heimabanka, líkt og áður.
Öll greiðsla félagsgjalda er rafræn og uppfyllir kröfur persónuverndarlaga auk þess sem við tengjumst frístundakerfum sveitarfélaganna.
Félagsmenn eru hvattir til að skrá sig inn á vefinn og ganga frá greiðslu þar sem kerfið færir okkur aukin tækifæri til að halda betur utan um félagsmenn og greiðsluflæði. Félagsmenn geta einnig uppfært netföng og símanúmer og tryggt að við höfum aðgang að réttum upplýsingum. Leiðbeiningarmyndband um hvernig gengið er frá greiðslum og uppfærslu upplýsinga er að finna hérna fyrir neðan.
Greiðsluleiðir:
Ef gengið er frá greiðslufyrirkomulagi fyrir 24. desember býðst að skipta greiðslum í allt að 5 hluta á greiðslukort og með kröfum í heimabanka (Kröfurnar birtast í nafni Greiðslumiðlunar)
Eins og áður bætist við 3% umsýslu-og þjónustugjald á dreifingu með kreditkortum og á greiðslukröfur 390 króna greiðslugjald.
Ef valin er ein greiðsla á greiðslukort bætist ekki við umsýslu-og þjónustugjald á upphæðina.
Hafi engar ráðstafanir verið gerðar af hálfu félagsmanna fyrir 15. janúar 2021 munu félagsgjöld verða innheimt með tveimur greiðsluseðlum með gjalddaga 2. febrúar og 2. mars 2021.
Ef óskað er breytinga á greiðslufyrirkomulagi eftir 15. janúar verður innheimt breytingargjald kr. 1.500.-
Vakni einhverjar spurningar varðandi félagsgjöld eða greiðslu þeirra er félagsmönnum bent á að hafa samband við skrifstofu GO í síma 585 0050 eða með tölvupósti á oddur@oddur.is. Skrifstofan er opin alla virka daga á milli klukkan 9:00 og 16:00.
Á aðalfundi GO sem fram fór þann 3. desember síðastliðinn voru félagsgjöld ársins 2021 ákvörðuð og eru eftirfarandi:
Einstaklingar 26-66 ára: 131.500 kr
Einstaklingar 67-84 ára: 105.200 kr
Einstaklingar 18-25 ára 65.750 kr
Einstaklingar 85 ára og eldri 39.400 kr
Börn og unglingar 17 ára og yngri 39.400 kr