Íslandsmótið í golfi – upplýsingar um lokanir á vallarsvæði GO meðan á móti stendur
02/08/2023
Kæru félagsmenn GO,
Eins og flestum félagsmönnum er kunnugt um mun Íslandsmótið í golfi fara fram á Urriðavelli 10. – 13. ágúst. Á meðan á mótinu stendur verður Urriðavöllur alfarið lokaður og önnur svæði okkar takmarkað opin eins og hægt er að skoða hér neðar í póstinum. Við vonumst að sjáflsögðu til þess að sem flestir félagsmenn kíkji við og aðstoði okkur við þessa framkvæmd mótsins svo allt gangi vel og hægt er að skrá sig á sjálfboðalista hér
Mótið í ár er gífurlega sterkt og við sendum út tölulegar upplýsingar þegar fullskipað er í mótið en undankeppni um fjögur laus sæti verður leikin á mánudaginn 7. ágúst en alls skráðu 200 kylfingar sig til leiks og í boði eru 150 sæti. Kylfingar hafa lofað okkur góðu skori, við vonum að veðurguðrirnar verði okkur áfram hliðhollir og kannski verða vallarmet slegin karla og kvennamegin.
Eðlilega horfa margir félagsmenn til þess hvar þeir geti spilað á meðan á mótinu stendur og þá er tilvalið að spila vinavelli GO og þar sem mótið er hluti af mótaröð GSÍ gefst GO kylfingum kostur á að bóka sig á aðra golfvelli á landinu með 50% afslætti af hæsta flatargjaldi hvers vallar skv. lögum GSÍ. Það gildir frá og með þriðjudeginum 8. ágúst til og með 13. ágúst. Ráðlegt er að vísa í þessa frétt ef golfklúbbarnir sem þið ætlið að heimsækja þekkja ekki reglugerðina.
3. gr.
Íslandsmeistaramót og önnur landsmót
Ákvörðun GSÍ um öll Íslandsmeistaramót og stigamót skal tekin á stjórnarfundi GSÍ og kynnt
golfklúbbum með hæfilegum fyrirvara. Félagar þeirra klúbba sem halda Íslandsmeistaramót eða
stigamót GSÍ geta leikið á öðrum golfvöllum með greiðslu 50% vallargjalds gegn framvísun
félagsskírteinis, þegar áðurnefnd mót loka eðlilegum leik.
LOKANIR Á MEÐAN Á MÓTI OG ÆFINGADÖGUM STENDUR
Urriðavöllur
Þriðjudagur 8. ágúst
Pro / Am mót og æfingahringir lokað allan daginn.
Miðvikudagur 9. ágúst
Æfingahringir – lokað allan daginn
10. ágúst- 13. ágúst
Íslandsmótið í golfi – lokað allan daginn
Mánudagur 14. ágúst
Formannabikar – morgunlokun,
völlur opnar klukkan 14:30
Ljúflingur
Alfarið lokaður dagana 10. – 13. ágúst
Æfingasvæðið Lærlingur
Þriðjudagur 8. ágúst
Æfingasvæðið er opið
Miðvikudagur 9. ágúst
Æfingasvæðið er opið
10. ágúst- 13. ágúst
Æfingasvæðið er lokað frá 06:00 – 18:00
Mánudagur 14. ágúst
Full opnun á æfingasvæði
Æfingasvæðið pútt og vipp
Alfarið lokað 10 – 13. ágúst.