Æfingasvæðið á Urriðavelli opið
21/03/2016
Nú þegar vorið virðist vera að ryðja sér til rúms þá fara kylfingar á stjá. Tilvalið er að minna félagsmenn og aðra kylfinga á að Lærlingur, æfingasvæðið hér á Urriðavelli, er opið og er hægt að æfa stutt sem löng högg úr æfingabásunum. Lýsing er á svæðinu eftir rökkur og fram eftir kvöldi.
Hægt er að nálgast boltakort fyrir æfingasvæðið á skrifstofu GO á skrifstofutíma. Verðskrá á boltakortum má sjá hér að neðan en stór stök boltakarfa kostar kr. 500.
Við minnum einnig á að æfingaaðstaða GO í Miðhrauni 2 verður opin fram eftir vori og opnar þar kl. 16:00 á virkum dögum og einnig er opið um helgar. Þar er hægt að æfa pútt og vipp en einnig er hægt er slá í net til að koma slættinum í gott form fyrir sumarið.
Verðskrá boltakorta á Lærlingi:
10 körfur – 4.000 kr.-
15 körfur – 5.500 kr.-
25 körfur – 9.000 kr.-
40 körfur – 12.000 kr.-
