Barna- og unglingastarf GO kynnt á fundi á miðvikudag

Miðvikudaginn 9. nóvember fer fram fram kynningarfundur á barna- og unglingastarfi Golfklúbbsins Odds fyrir komandi tímabil. PGA golfkennarar á vegum Golfklúbbsins Odds munu kynna starfið sem er framundan. Fundurinn hefst kl. 20:00 og fer fram í golfskálanum á Urriðavelli.

Farið verður yfir fyrirkomulag á vetraæfingum sem hefjast innan tíðar. Jafnframt verður fyrirhuguð æfingaferð til Spánar kynnt sérstaklega en gert er ráð fyrir að fara í æfingaferð í apríl á næsta ári.

Iðkendur ásamt foreldrum og forráðamönnum eru hvattir til að fjölmenna á fundinn og kynna sér barna- og unglingastarfið sem er framundan hjá klúbbnum á næsta ári. Allir velkomnir!