Golfklúbburinn Oddur og Golfhöllin gera samstarfssamning
08/11/2021
Golfklúbburinn Oddur og Golfhöllin hafa undirritað samning um sérkjör fyrir félagsmenn GO í glæsilegri inniaðstöðu sem opnaði nú nýverið á Fiskislóð 53-59 á Granda. Með samningnum vill Golfklúbburinn Oddur bæta þjónustu sína við félagsmenn sem geta þá nýtt sér aðstöðu til inniæfinga yfir vetrartímann og átt góða stund í góðra vina hópi á góðum kjörum.
Í golfhöllinni verða 14 Trackman golfhermar af nýjustu gerð, aðstaðan er ætluð kylfingum á öllum getustigum og því tilvalið fyrir einstaklinga og hópa að bóka sér fasta tíma til æfinga í vetur. Á staðnum verður einnig hægt að kaupa veitingar í formi drykkja ýmist beint á golfbása eða til að njóta í glæsilegri setustofu í móttöku Golfhallarinnar.
Félagsmönnum GO stendur til boða sérstakt inngöngutilboð á meðlimagjaldi hjá Golfhöllinni. Meðlimagjald fyrir félagsmenn GO er 24.500 krónur (fullt verð 29.900 krónur). Innifalið í meðlimagjaldi eru 5* 60 mínútur í golfhermi sem nota má að vild.
Þeir sem gerast meðlimir Golfhallarinnar geta síðan bókað 50 klst yfir veturinn með 25% afslætti af verðskrá ásamt fjölda annarra fríðinda eins og spilarétti í mótum sem haldin verða í vetur á vegum Golfhallarinnar, afsláttar í kennslu og önnur námskeið. (Sjá verðskrá hér fyrir neðan)
Golfkúbburinn Oddur mun svo standa fyrir golfhermamóti fyrir meðlimi GO í Golfhöllinni sem auglýst verður síðar.
Þegar hefur verið opnað fyrir forbókanir á föstum tímum hjá Golfhöllinni í vetur og er hægt að senda tölvupóst á golfhollin@golfhollin.is til að tryggja sér fasta tíma.
Helstu upplýsingar sem þurfa að koma fram í forbókun:
Hvaða dagar
Hversu margir hermar
Klukkan hvað og hve lengi í senn
Nafn og síma þess sem pantar
Félagsmaður í GO
Við hlökkum til samstarfsins og vonumst til að félagsmenn komi til með að nýta sér þá þjónustu sem í boði verður hjá Golfhöllinni í vetur.
Hægt er að kynna sér golfhöllina frekar á heimasíðu þeirra https://www.golfhollin.is/ eða á facebook síðu þeirra https://www.facebook.com/golfhollin
