HOLUKEPPNI 2018
28/05/2018
Skráning í holukeppni GO 2018 er opin frá 28. maí – 31. maí og dregið verður um leiki í fyrstu umferð sem hefst 1. júní. Eins og flestum er kunnugt um hefur veður hamlað mótahaldi hjá okkur núna í vor og því hefur ekki tekist að halda forkeppni skv. reglugerð og breyting því innleidd þetta árið að skráning er opin og dregið í 1. umferð. Lokum skráningu fimmtudagskvöldið 31. maí klukkan 20:00 og birtum eins fljótt og auðið er leiki 1. umferðar.
Áætlaðir leikdagar eftir útdráttarröðun eru:
- umferð – 1. júní – 8. júní (64/32)
- umferð – 9. júní – 15. júní (32/16)
- umferð – 16. júní – 21. júní (16/8)
- umferð – 22. júní – 27. júní (8/4)
- umferð – 28. júní – 1. júlí (4/2) + (úrslitaleikir)
REGLUR OG FYRIRKOMULAG
1.gr
Mótið skal halda árlega og hefjast með forkeppni sem er 18 holu punktakeppni með fullri forgjöf. Hámarks leikforgjöf kvenna skal þó vera 28, bæði í forkeppninni og í holukeppninni og karla 24, bæði í forkeppninni og holukeppninni. Forkeppnina má spila sem hluta af öðru móti ef mótanefnd ákveður svo.
2.gr
Þeir 64/32 keppendur sem ná bestum árangri í forkeppninni taka þátt í holukeppni með forgjöf, þar sem keppt er um titilinn Holumeistari GO.
Verði tveir eða fleiri keppendur í forkeppninni jafnir á sama skori ræðst röð keppenda eins og kveðið er á um í 5. grein Móta- og keppendareglna GSÍ. (sjá neðar)
3.gr
Aðeins kylfingar með gilda EGA forgjöf (forgjöf merkt með * á www.golf.is (Opnast í nýjum vafraglugga) ) hafa keppnisrétt í holukeppninni.
4.gr
Leikmaður ræður af hvaða teig hann leikur og tekur leikforgjöf hans mið af því, þó með þeim takmörkunum að aldur og forgjöf ræður teig skv. reglugerðum. Nota skal grunnforgjöf eins og hún er, þegar leikur fer fram við útreikning leikforgjafar, þó með hámarksleikforgjöf skv. 1.gr. Forgjöf nýtist í samræmi við forgjafarröð vallarins. Sé annar leikmaður t.d. með 10 í forgjöf en hinn 18, fær forgjafarhærri leikmaðurinn forgjöf á hinn leikmanninn á holum 1-8 í forgjafarröð.
5.gr
Í hverri umferð í holukeppninni eru leiknar 18 holur. Leika skal til úrslita í hverjum leik. Verði leikmenn jafnir eftir 18 holu leik skal leikið áfram og fyrsta unnin hola ræður úrslitum.
6.gr
Mótanefnd ákveður lokafresti til að ljúka hverri umferð holukeppninnar og tilkynnir það á heimasíðu og á auglýsingatöflu í golfskála. Keppendur í holukeppni koma sér saman um hvenær þeir kjósa að leika hverja umferð fyrir þann lokafrest. Geti keppandi ekki leikið, eða mæti hann ekki til leiks á tilskildum tíma hefur hann tapað leik sínum. Mæti hvorugur keppenda til leiks fyrir lokafrest til að ljúka umferð falla þeir báðir úr keppninni. Ef leikmenn geta ekki komið sér saman um leiktíma, geta þeir leitað til mótstjóra um milligöngu. Mótstjórn ákveður þá leiktíma sem að óbreyttu ef ekki er auglýstur sérstaklega skal vera klukkan 10:00 á auglýstum lokadegi umferðar. Sé rástími klukkan 10:00 ekki laus skal næsti lausi rástími verða fyrir valinu.
7.gr
Sigurvegari í holukeppninni ár hvert hlýtur titilinn Holumeistari GO og fylgir titlinum farandgripur. Einnig hlýtur holumeistarinn verðlaunagrip til eignar.
Holumeistari ársins fær afhentan farandgripinn í verðlaunaafhendingu meistaramóts GO.
viðbót við reglugerð, í gildi 2018
Vegna óviðráðanlegra aðstæðna er ekki haldin forkeppni 2018.
Skráning í holukeppni fer þannig fram að opið er fyrir skráningu á oddur.is og í hlekk sem sendur var í tölvupósti á póstlista GO þann 28. maí. Opið fyrir skráningu frá 28. maí frá klukkan 18:00 til 31. maí klukkan 20:00. Skráðir keppendur verða dregnir af handahófi og raðað í nr. röð 1 – 64 og fá keppendur tilkynningu um við hvern þeir eiga að leika. Ef skráning fer fram úr björtustu vonum verður það skoðað að fjölga keppendum í fyrstu umferð eða umferðum fækkað ef skráning nær ekki 64 keppendum.
Þar sem dagsetningar á úrslitaleikjum geta skarast við meistaramót skal samráð haft við mótastjórn um spilatíma ef með þarf svo allir eigi möguleika á að spila. Mögulegt svigrúm er til 7. júlí ef það hentar öllum keppendum. Heimilt er að ljúka umferðum fyrr en dagsetningar sýna. Mótanefnd getur leyft keppendum að ljúka umferð síðar en frestur sýnir ef andstæðingur í næstu umferð leyfir eða á einnig eftir að leika sinn leik í sömu umferð, mótanefnd setur þá nýjan frest í samráði við keppendur þeirra leikja.
Mótanefnd GO