Dregið verður föstudaginn 12.des – Jólahappadrætti Barna og unglingastarfs

—Vegna óviðráðanlegra aðstæðna verður dregið föstudaginn 12.janúar kl. 10:00—

Barna og unglingastarf GO stendur fyrir sölu á happadrættismiðum núna fyrir jólin. Í boði er að kaupa happdrættismiða á 1500 kr.

Einnig stendur til boða að kaupa Spilastokka sem voru hannaðir með Odds logo á bakhlið stokksins, spilin eru skreytt með myndum af keppnissveitum barna- og unglingastarfs ásamt landslags- og kennileitum af Urriðavelli. Spilastokkarnir eru seldir á 2500 kr.

Við hvetjum alla til að styrkja barna og unglingastarfið okkar. Hægt er að senda tölvupóst á íþróttastjóra okkar á netfangið hrafnhildur@oddur.is og einnig koma við á skrifstofutíma milli 9 – 16 til að versla miða og spilastokka ásamt því að börnin sjálf munu selja og auglýsa varninginn til sölu.

Hér fyrir neðan er vinningaskrá í þessu glæsilega jólahappadrætti barna og unglingastarfs. Vinningar að verðmæti 1.666.492 eru í hattinum. Aðeins verður dregið úr seldum miðum. Dregið verður út 8. janúar.

Vinningsnúmer og vinningaskrá verður birt á heimasíðu Golfklúbbsins Odds, www.oddur.is

Hægt verður að vitja vinninga frá og með 9. janúar á opnunartíma golfskálans milli 9:00 – 16:00 á virkum dögum á skrifstofu Odds á Urriðavelli til og með 8.mars.