Klúbbmeistararar GO 2020

Þá er 8 daga meistaramóts golfveislu golfklúbbsins Odds lokið þetta árið og 256 keppendur tóku þátt sem verður að teljast frábær þáttaka. Veðurguðirnir voru sérstaklega hliðhollir okkur þetta árið og fyrri hluti mótsins var leikinn í rjómablíðu og þó dregið hafi fyrir sólu síðustu keppnisdagana þá létu keppendur það ekki á sig fá og lokadagurinn var leikinn við kjöraðstæður. Keppt var í 21 flokki og yngsti keppandinn 11 ára og sá elsti 81 árs. Það er ótrúlegt hvað svona svona stórt mót krefst mikillar vinnu og viljum við þakka þeim sem komu að mótinu fyrir vel unnin störf og langar vaktir hvort sem það var á vellinum eða í húsinu. Sjálfboðaliðar sem tóku vaktir við ræsingu og leystu það með glæsilbrag þökkum við fyrir vel unnin störf.

Klúbbmeistarar Odds 2020 eru þau Hrafnhildur Guðjónsdóttir í kvennaflokki og Skúli Ágúst Arnarsson í karlaflokki. Hrafnhildur er að sigra mótið í fimmta sinn og Skúli er að landa sínum fyrsta klúbbmeistara titli.

Við óskum þeim innilega til hamingju með titlana.

Lokahófið er þá að hefjast þegar þessi frétt er sett í loftið og þar stefnir í metþátttöku og við sjáum að veisluborðið er að svigna undan veitingum sem Öðlingur Mathús býður upp á þetta árið undir dyggri handleiðslu LUX-veitinga. Við þökkum fyrir frábært mót og óskar öllum vinningshöfum til hamingju með árangurinn.

Öl úrslit í mótinu eru hérna fyrir neðan og einnig upplýsingar um þá sem hlutu nándarverðlaun í mótinu.

Vinningshafar nándarverðlauna geta vitjað vinnings í afgreiðslu Urriðavallar en keppendur fá Odds merkta golfbolta ( 3 bolta) sem hægt er að týna síðar við leik á Urriðavelli.