Lek mót Golfklúbba 65 + lokastaða

Lið GO karla gerði sér lítið fyrir og sigraði 2. deild karla með glæsibrag með því að sigra í öllum leikjum keppninnar að þessu sinni og óskum við okkar kempum innilega til hamingju með flottan árangur. Hér er skjal með úrslitum og öllum leikjum

Lið GO kvenna átti flottan lokadag og lék tvo hörkuspennandi leiki í dag. Í fyrri leik dagsins mættu þær liði Golfklúbbs Suðurnesja og unnu leikinn sannfærandi 2 -1, þá var komið að barátttuleik um 5. sæti í riðlinum og mótherjarnir lið Keilis. Leikar enduðu jafnir og því þurfti að útkljá úrslit með bráðabana þar sem Björg Þórarinsdóttir og Snjólaug Bjarnadóttir skelltu sér út í fjórmenningsleik sem að lokum vannst á 4. holu í bráðabana í úrhellisrigningu og sigurinn var enn sætari fyrir bragðið og óskum við okkar konum til hamingju með sinn árangur og flott framlag. Hér er skjal með öllum leikjum og úrslitum.