Ljúflingur opinn næstu daga

Ljúflingur verður opinn inn á sumarflatir næstu daga á meðan veður leyfir. Hitastig hefur verið langt fyrir ofan frostmark síðustu daga og af þeim sökum hafa skapast skilyrði til að opna inn á Ljúfling.

Félagsmenn GO geta því nýtt sér tækifærið og æft styttri höggin og farið aðeins yfir púttstrokuna á Ljúflingi sem er afar skemmtilegur níu holu par-3 völlur.

Við hvetjum félagsmenn til að fara varlega um völlinn og laga eftir sig bolta og kylfuför þegar það á við.