Lokahóf Meistaramótsins í kvöld
15/07/2016
Meistaramóti GO árið 2016 lýkur í kvöld. Síðasti ráshópur í mótinu heldur af stað rétt eftir kl. 14 í dag og mun ljúka leik á sjöunda tímanum í kvöld. Lokahóf Meistaramótsins hefst kl. 19:00 í kvöld og hefst verðlaunaafhending um kl. 20:00.
Við hvetjum alla þátttakendur til að mæta og taka þátt í að ljúka Meistaramótinu í þeirri miklu gleði sem einkennir þetta stærsta mót ársins fyrir félagsmenn GO.
Við vonum að keppendum gangi vel í dag og njóti þess að leika á frábærum Urriðavelli.