Lokun á æfingasvæði GO vegna hertra sóttvarnarráðstafana

Viðbragðshópur GSÍ fundaði síðdegis í gær, 24. mars, eftir að ríkisstjórnin kynnti ný og strangari sóttvarnatilmæli vegna Covid-19 sem taka gildi 25. mars 2021 og gilda í 3 vikur.  
Ljóst er að tilmælin ná til þess að golfklúbbar þurfa að loka æfingasvæðum og inniaðstöðu þar sem ekki er hægt að tryggja 2 metra reglu og hætta er á snertismiti á sameiginlegum flötum eins og boltavél og körfum hjá okkur.

Við munum að sjálfsögðu opna aftur ef aðstæður breytast og hvetjum alla til að standa saman og horfa á þetta verkefni af skynsemi til að kveða þessa bylgju hratt niður. Vetrarvöllurinn okkar er opinn áfram og þar er skylda að skrá sig á rástíma og fylgja almennum vetrar og covidreglum.

Að sjálfsögðu er vert að minna á mikilvægi persónulegra sóttvarna, spritta, nota grímur og halda í tveggja metra regluna.

Skrifstofa GO er opin frá 9 – 16 alla daga ef einhverjir þurfa að nýta þjónustu okkar en við hvetjum að sjálfsögðu til þess að frekar sé hringt eða sendur tölvupóstur. Grímuskylda er í golfskálanum og 10 manna hámark eins og reglur segja til um.