Lokunardagur vallarsvæðis GO er 17. október

Nú styttist heldur betur í enda golftímabilsins 2022 og við höfum tekið þá ákvörðun að loka Urriðavelli, Ljúflingi og æfingaflötum þann 17. október næstkomandi. Afgreiðslu Urriðavallar verður opin fram að þeim tíma en opnunartími skerðist í samræmi við bókanir, birtu og veðurfar ef ástæða þykir til. Vetrarvöllur verður settur upp í kjölfar lokunar og við munum ekki vera með opnar bókanir á golfbox á þann völl sem er ætlaður fyrir félagsmenn eingöngu.

Veitingasölu hefur verið lokað en áfram verður þó veitt þjónusta næstu vikuna fram að lokun í því formi að hægt er að versla drykki og sælgæti en við biðjum kylfinga um að virða það að einhverjir viðburðir hafa verið bókaðir í salinn næstu vikur sem áhrif geta haft á aðgengi að veitingasal. Aðgengi verður engu að síður að salernumí húsinu á opnunartíma afgreiðslu.

Ef ástæða er til að koma skilaboðum á kylfinga sem skráðir eru t.d. vegna vallarvinnu eða takmörkunar á þjónustu eða öðru þá verða þær tilkynningar sendar í gegnum golfbox og mun þá einnig birtast í skráningarferli á rástíma.