Nýr skrifstofu og markaðsstjóri Golfklúbbsins Odds
07/03/2017
Svavar Geir Svavarsson hefur hafið störf hjá Golfklúbbnum Oddi sem skrifstofu og markaðsstjóri. Svavar er flestum félagsmönnum kunnur en hann hefur starfað hjá golfklúbbnum undanfarin ár yfir sumartímann ásamt því að hafa setið í stjórn klúbbsins um langt skeið. Svavar tekur við starfinu af Jóni Júlíusi Karlssyni sem lét af störfum um síðustu áramót og tók við starfi framkvæmdastjóra Aftureldingar. Samhliða því að taka við þessu nýja starfi innan klúbbsins hefur Svavar sagt sig frá störfum í stjórn GO.