Opna Beronia – Loch Lomond 2019, 29. júní á Urriðavelli.

Leikfyrirkomulag: Tveggja manna Betri Bolti með forgjöf.

Leikfyrirkomulagið er betri bolti m/forgjöf þar sem betra skor liðsins telur á holu, þetta er þó punktakeppni og þannig telja punktar þess sem fékk hærra punktaskor á holu.

Hámarks leikforgjöf karla er 24 og hámarks leikforgjöf kvenna er 28.

Mótsgjald er 6900 kr. á mann, innifalið í mótsgjaldi er matur og ískaldur drykkur og glaðningur á teig*

Ath. að við skráningu í mótið skal þess gætt að þeir sem ætla að vera saman sem lið skulu skrá sig “lóðrétt” saman svo að liðaskipanin haldist út mótið. Þannig eru fjórir saman í holli, fyrstu tvö nöfnin gera þá eitt lið og síðustu tvö eru þá sér lið. Ef einhver vandamál verða ekki hika við að hringja í afgreiðslu Urriðavallar eða senda tölvupóst á afgreidsla@oddur.is

Til að vinna til verðlauna í punktakeppninni þurfa þátttakendur að vera með skráða forgjöf. 

Bannað er að lið fari út án meðspilara. Mótsstjórn áskilur sér rétt til þess að færa lið til í rástímum til þess koma í veg fyrir að lið fari út án meðspilara.

Keppendur verða að hafa náð 20 ára aldri til að fá þátttökurétt í mótinu!

VINNINGASKRÁ

1. sæti

Ferð á THE OPEN í boði LOCH LOMOND WHISKEY

Innifalið: Flug með Icelandair til og frá Belfast / Dublin, gisting í 2 nætur á 4* hóteli með morgunverði, ferðir til og frá flugvelli, aðgangur að Hopitality svæði á Dunluce Course á fimmtudegi og föstudegi.

2 x Loch Lomond Inchmurrin Single Malt

2 x Beronia Gran Reserva

2 x Lindor kúlur

2. sæti

2 x Loch Lomond Inchmurrin Single Malt 12 ára

2 x Beronia Reserva

2 x Lindor kúlur

3. sæti

2 x Loch Lomond Inchmurrin Madeira Wood Single Malt

2 x Beronia Crianza

2 x Lindor kúlur

Nándarverðlaun á öllum par 3 brautum vallarins, lengsta teighögg, auk ýmissa aukaverðlauna. 

Loch Lomond – Spirit of the Open

KalliK er söluaðili Loch Lomond viskí sem er opinber styrktaraðili Opna breska meistaramótsins í golfi til næstu fimm ára. Þessi margverðlaunaða og sjálfstæða viskígerð bíður því nú upp á fjölbreytta línu af óblönduðu maltviskí sem ganga undir heitinu “Spirit of the Open”.

Opna breska meistaramótið, sem einnig er þekkt sem Hið eina (e. The One) er alþjóðlegasta stórmótið í golfi í heiminum í dag og fara undankeppnir fyrir mótið fram í 5 heimsálfum. Lokamótinu er sjónvarpað inn á yfir 600 milljón heimili og fer útsending fram í yfir 200 löndum. Mótið fer nú fram í 147. skiptið og fer fram dagana 15 – 22. júlí 2018 á Carnoustie vellinum í Skotlandi.

Viskí og golf eru tvær af þekktustu afurðum Skotlands og er sterk tenging á milli þessara tveggja, og sýna kannanir að margir golfáhugamenn eru einnig hrifnir af viskí. Sem hluti af þessu samstarfi býður Loch Lomond upp á fjölbreytta línu af hágæða golftengdum varningi, sem og viðhafnarútgáfu af óblönduðu maltvíski í takmörkuðu upplagi. Það ætti því að vera að nægu að taka fyrir bæði golfáhugamenn og viskíunnendur.

Sérlegur sendiherra Loch Lomond vískí er golfgoðsögnin Colin Montgomerie. Montgomerie vann 52 mót á atvinnumannaferlinum og í yfir sjö ár samfleitt (1993 – 2000) var hann fremsti golfari Evrópu.

Í dag starfar Montgomerie með Loch Lomond við að kynna vörulínu fyrirtækisins á heimsvísu, þar með talið tvær viskítegundir sem gefnar eru út í takmörkuðu upplagi; önnur var sköpuð til heiðurs 147. Opna sem fram fer á Carnoustie og hin er Single Cask sem ber nafn Montgomerie.

Um samstarfið sagði Montgomerie:

“Ég hef verið unnandi skoskra einmöltunga í langan tíma og því er ég himinlifandi með að vinna með Loch Lomond sem hafa sýnt mikla ástríðu og áhuga fyrir að framleiða hágæða viskí. Sem stoltur Skoti veit ég að Skotland er heimsþekkt fyrir bæði viskíið okkar og framúrskarandi golfvelli. Ég hef mikla ástríðu fyrir að segja sögu beggja og ég var virkilega hrifinn af gæðum, frumleika og fjölbreytileika bragðsins af óblandaða maltviskíinu frá Loch Lomond.”

Við notumst við innslátt á golf.is ásamt því að skrá skor í litla mótsstjórann þannig að litli mótstjórinn heldur utan um skor liða, við gerum ráð fyrir að lið séu skipuð eins og skráning er nema annað hafi verið tekið fram á skorkorti. Við birtum svo skjalið þegar úrslit eru kunn inn á oddur.is undir fréttir.