Örninn Golf – Heimslistamót dagur 2

Umferð tvö í karla og kvennaflokki kláraðist um miðjan dag í dag og við gátum komið kvennaflokki út í þriðju umferð svo þær eiga að klára sitt mót í dag/kvöld. Perla Sól er í efsta sæti fyrir lokaumferðina hjá konunum og Tómas Eiríksson Hjaltested hjá körlunum. Tómast lék hringinn í dag á 69 (-2) og er samtals á -1 eftir tvö daga og Perla lék hringinn í dag á 73 og er samtals á +3 fyrir lokaumferðina. Það bar einnig til tíðinda í dag að Markús Marelsson náði því afreki að fara holu í höggi á 15. braut vallarins og við óskum honum til hamingju með það.

3. umferð í karlaflokki er ráðgerð í fyrramálið, sunnudaginn 12.9, ef veðuraðstæður leyfa. Við stefnum á að ræsa alla út á nokkrum teigum í kringum 8:00 en við munum mæta hérna snemma og taka stöðuna og senda út skilaboð ef það er öruggt að aðstæður leyfa ekki golf eins og mögulegt er miðað við veðurspá.