Það var púttað og gengið um helgina

Kvennanefnd GO og Gönguhópur GO létu sitt ekki eftir liggja þessa helgina og stóðu fyrir sínum viðburðum skv. venju.

Konurnar mættu og púttuðu í öðru púttmóti sínu þar sem vel var mætt. Gönguhópur GO var svo leiddur um völlinn af fyrrum formanni klúbbsins honum Inga Þór Hermannssyni sem fór um svæðið í Flatarhrauni þar sem hugmyndir hafa verið uppi um að stækkun Urriðavallar verði að hluta. 

Næsta laugardag verður að sjálfsögðu púttað aftur og gengið, púttmótið hefst að venju klukkan 9:30 og stendur til 11:30. Gangan fer svo af stað klukkan 11:00 frá golfskálanum.