Vetrarvöllur opinn á Urriðavelli

Við höfum lokað okkar almennu golfvöllum, Urriðavelli og Ljúflingi en höfum sett upp vetrarvöll á holum 10 – 18 á Urriðavelli sem félagsmenn í fullri aðild og Ljúflingsfélögum er velkomið að nýta í vetur.

Ákveðnar vetrarreglur eru í gildi og við ítrekum mikilvægi þess að farið sé eftir þeim til að forðast skemmdir á grasi sem skiljanlega er viðkvæmt yfir vetrartímann.

Æfingasvæðið/básarnir okkar á Lærlingi eru að sjálfsögðu opnir í vetur og það svæði er opið öllum. Kaupa þarf boltakort eða pening í golfskála sem almennt er opinn virka daga frá 9 – 16.
Við erum að klára uppsetningu á posa við boltavél sem væntanlega verður klár í nóvember og þá verður hægt að kaupa staka körfu á staðnum.

VETRARREGLUR

Holur 10 – 18 á Urriðvelli eru opnar en í gildi eru neðangreindar reglur:

Sérreglur á Urriðavelli varðandi vetrarspil.

• Rástímabókun er á golfbox.golf fyrir vetrarspil og 15 mínútur eru á milli rástíma, ekki er skylda að bóka sig en þeir sem eiga rástíma eiga forgang ef aðstæður eru þannig. 
• Einungis er settur upp vetrarvöllur á holum 10 – 18 en ekki er leikið á 15. braut.
  Holur 1 – 9 eru lokaður og þar óheimilt að spila golf.
• Notast skal við afmörkuð svæði í upphafshöggi á hverri braut sem afmarkast með teigmerkjum á grasi eða gervigrasteigum. Bannað er að slá utan merktra teigsvæða. 
• Ekki er leikið mottugolf og stranglega bannað er að slá af brautum og skulu kylfingar fara af braut og slá í röffi.
• Golfskálinn er opinn virka daga frá 9 – 16 en lokaður um helgar.
   
  Golfbílar og rafhjól eru bönnuð á vellinum