Vorfundur GO á sunnudag

Vorfundur Golfklúbbsins Odds fer fram næstkomandi sunnudag, 26. apríl í klúbbhúsinu á Urriðavelli. Húsið opnar kl. 10:30 og verður boðið upp á léttan morgunverð og kaffi. Fundurinn hefst svo stundvíslega kl. 11:00.

Á fundinum verður farið yfir margvíslegmál sem framundan eru í starfi klúbbsins. Meðal þess sem er á dagskrá fundarins er eftirfarandi:
– Vallarframkvæmdir, efnisflutningar og opnun vallar
– Ný heimasíða Golfklúbbsins Odds
– Nýjar teigmerkingar á Urriðavelli
– Vinavellir GO 2015 kynntir
– Fatnaður GO árið 2015
– Félagsstarf
– Önnur mál

Ingi Þór Hermannsson, formaður GO, mun stýra fundinum og verður fundargestum gefið tækifæri til að koma með spurningar og ábendingar um starf GO. Við hvetjum félagsmenn til að fjölmenna á sunnudag og taka virkan þátt í félagsstarfi klúbbins.